Vilas dixitais.
Cidadanía en rede, conectando co futuro
 Vilas Dixitais é un proxecto para o desenvolvemento da sociedade da información nos concellos das Pontes de García Rodríguez e Vilalba que se basea na creación nas súas parroquias rurais de telecentros como puntos de conexión a internet vía satélite e como espazos de relación entre os veciños.
Vilas Dixitais é un proxecto que pon as máis avanzadas tecnoloxías ao servizo da convivencia, sabedores de que información é un recurso imprescindíbel para mellorar as condicións de vida e garantir a igualdade de oportunidades no acceso a bens e servizos por parte daquelas persoas que viven en parroquias rurais afastadas de grandes centros urbanos.
O proxecto de Vilas Dixitais quere achegar aos cidadáns o coñecemento das novas tecnoloxías e promover a súa participación como corresponsais informativos na elaboración de contidos e propostas para a novas formas de comunicación entre os veciños das Pontes e de Villaba, para o que se ofrecen ás asociacións e entidades sociais das Pontes e Vilalba infraestruturas, equipamentos e ferramentas de interrelación.
|
